စစ်ပွဲပြီးချိန်

စစ်ပွဲပြီးချိန်
။။။။။။။။။။။။။။။

ယဉ်ကျေးမှုဟာ လက်နက်ပဲ
သေနတ်နဲ့ချိန်ထားတဲ့လက်ကို ဓားနဲ့ဝင်ခုတ်လို့မရတော့
သေနတ်ချင်း ယှဉ်ပစ်ကြတယ်
လက်ချည်းဗလာကောင်တွေ လဲကျ။

စစ်ကို ထောက်ခံပါတယ်
စစ်ကို ရင်ကော့ပြီးခံပါတယ်
စစ်ကို လက်ပြတ်၊ခြေပြတ်၊ခေါင်းပြတ်၊ဘဝပြတ်/ပျက်ပြီး ခံပါတယ်
စစ်ကသာ အစစ်မခံဝံ့တာ။

မတည့်အတူနေ မမြင်ချောင်းပစ်
ငါဘက်ကကြည့်တော့ မင်းက အမြှောက်ကြီးနဲ့ချိန်ထားတာ
မင်းဘက်ကကြည့်တော့ ငါက တင့်ကားတွေ အဆင်သင့်
သတ္တိရှိရင် လက်နက်ချ
သတ္တိမရှိရင် ဆက်တိုက်ကြပေါ့။

မင်းလည်း နိုင်တယ်၊ ငါလည်း နိုင်တယ်
ရှုံးတာကတော့ ပြည်သူတွေပဲ
မင်းက သယံဇာတတွေကို အကာအကွယ်ယူထားပြီး
ငါက အာဏာကတုတ်ကျင်းထဲ နေရာယူထားတယ်
ပစ်ကွင်းထဲ ဖြတ်ပြေးနေတာကတော့ ပြည်သူတွေပဲ။

လှေခွက်ကြီးလည်း မကျန်တော့ဘူး
အလံကလည်း မလဲသေးဘူး။

တစ်ချိန်ချိန်မှာ စစ်ပွဲကြီး ပြီးတန်ကောင်းပါရဲ့
စစ်သားတွေ အကုန်သေပြီး လက်နက်တွေ ရှင်ကျန်ရစ်တဲ့အချိန်။    ။

ရင်ရိုး
20-12-2016