ကေလးကဗ်ာ(၄)ပုဒ္

Zawgyi version

#ကေလးကဗ်ာ(၄)ပုဒ္

ေမာင္က စေခၚမယ္
။။။။။။။။။။။။။။။။။။။။။။။။။။

ေမာင္နဲ႔မမ၊ ရန္ျဖစ္တယ္
ေမာင္က စေခၚမယ္၊
စိတ္ေကာက္လည္းကြယ္၊ တစ္ခဏ
ရယ္လိုက္ေမာလိုက္ၾက၊

ေမာင္နဲ႔ညီမ၊ ရန္ျဖစ္တယ္
ေမာင္က စေခၚမယ္၊
ညီမေလးရယ္၊ ေမာင္ကေခ်ာ့
အငိုတိတ္ပါေတာ့၊

ေမာင္တို႔ေဆာ့လို႔၊ ၿပီးသြားရင္
အားလုံးခ်စ္ခ်စ္ခင္၊
စိတ္ပုပ္ၿငိဳျငင္၊ ေ႐ွာင္လို႔႐ွား
ေမာင္ႏွမစိတ္ထား။  ။

ျမစ္႐ိုး
5-2-2017

ခဲလုံးေလး
။။။။။။။။။။။။။

ခဲလုံးေလးေတြ၊ ပစ္ၾကတယ္
ေရျပင္ထဲကိုကြယ္၊
စိတ္ၾကည္ႏူးဖြယ္၊ လႈိင္းကေလး
ကမ္းစပ္ဆီကိုေျပး၊

ကဗ်ာေရးတဲ့၊ သူေတြဟာ
ခဲလုံးေလးလိုပါ၊
စာကဗ်ာေတြ၊ ေရးကာထား
လႈိင္းကေလးလိုဗ်ား၊

စာဖတ္သူမ်ား၊ စိတ္ေပ်ာ္႐ႊင္
စာကဗ်ာ ခ်စ္ခင္၊
စာကဗ်ာ႐ွင္၊ ကိုခဲလုံး
ေရမွာ နစ္ျမဳပ္ဆုံး။   ။

ျမစ္႐ိုး
3-2-2017

ေမေမဆရာမ
။။။။။။။။။။။။။။။။။

ဖိုးလမင္းႀကီး၊ ထိန္ထိန္သာ
ညခ်မ္း အခ်ိန္ခါ၊
ေမေမ့ေ႐ွ႕မွာ၊ မတ္တပ္ရပ္
လက္ကို ပိုက္လ်က္၊

သားက်က္ထားတဲ့၊ စာေတြအံ
ခ်စ္တဲ့ ေမေမ့ထံ၊
စာအံသံကို၊ ေမေမၾကား
ေမေမ ေပ်ာ္လို႔သြား၊

သားသားေလးလည္း၊ ေပ်ာ္ပါတယ္
ေမေမနဲ႔တူတယ္၊
သားသားကိုကြယ္၊ သြန္သင္ျပ
ေမေမ ဆရာမ
မဂၤလာပါဗ်။  ။

ျမစ္႐ိုး
23-4-2017

​
​ေဒၚ​ေအာင္​ဆန္​းစုၾကည္​
။။။။။။။။။။။။။။။။။။။။။။။။။။။။။။။

ဇြန္​ဆယ္​့ကိုးမွာ၊ ေမြးဖြားသည္​
​ေဒၚ​ေအာင္​ဆန္​းစုၾကည္​၊
​ဖခင္​အမည္​၊ ​ ဦး​ေအာင္​ဆန္​း
​အာဇာနည​္​ေ​အာင္ဆန္​း။

ကမၻာတစ္​ဝွမ္​း ဂုဏ္​​ေရာင္​​ေျပာင္​
ျမန္​မာ့တို႔​ေ​ခါင္းေဆာင္​၊
အက်ယ္​ခ်ဳပ္​​ေထာင္​၊ အက်ဥ္​းက်
​ေတာ္​လွန္​စစ္​ဝါဒ။

ကိုယ္​ပိုင္​ဘဝ၊ စြန္​႔လႊတ္​ကာ
ကိုယ္​က်ိဳးစြန္​႔ခဲ့တာ၊
ၿငိမ္​းခ်မ္​း​ေရးမွာ၊ ႏိုဘယ္​လ္​ဆု
ကမၻာက ဂုဏ္​ျပဳ။

ျမန္​မာဆန္​မႈ၊ သူ႔မူဟန္
အလွပန္​းကိုပန္​၊
သစၥာအမွန္​၊ သူလမ္​းျပ
႐ိုးသားလိမၼာၾက။         ။

ျမစ္႐ိုး
12-6-2016

Unicode version

#ကလေးကဗျာ(၄)ပုဒ်

မောင်က စခေါ်မယ်
။။။။။။။။။။။။။။။။။။။။။။။။။။

မောင်နဲ့မမ၊ ရန်ဖြစ်တယ်
မောင်က စခေါ်မယ်၊
စိတ်ကောက်လည်းကွယ်၊ တစ်ခဏ
ရယ်လိုက်မောလိုက်ကြ၊

မောင်နဲ့ညီမ၊ ရန်ဖြစ်တယ်
မောင်က စခေါ်မယ်၊
ညီမလေးရယ်၊ မောင်ကချော့
အငိုတိတ်ပါတော့၊

မောင်တို့ဆော့လို့၊ ပြီးသွားရင်
အားလုံးချစ်ချစ်ခင်၊
စိတ်ပုပ်ငြိုငြင်၊ ရှောင်လို့ရှား
မောင်နှမစိတ်ထား။  ။

မြစ်ရိုး
5-2-2017

ခဲလုံးလေး
။။။။။။။။။။။။။

ခဲလုံးလေးတွေ၊ ပစ်ကြတယ်
ရေပြင်ထဲကိုကွယ်၊
စိတ်ကြည်နူးဖွယ်၊ လှိုင်းကလေး
ကမ်းစပ်ဆီကိုပြေး၊

ကဗျာရေးတဲ့၊ သူတွေဟာ
ခဲလုံးလေးလိုပါ၊
စာကဗျာတွေ၊ ရေးကာထား
လှိုင်းကလေးလိုဗျား၊

စာဖတ်သူများ၊ စိတ်ပျော်ရွှင်
စာကဗျာ ချစ်ခင်၊
စာကဗျာရှင်၊ ကိုခဲလုံး
ရေမှာ နစ်မြုပ်ဆုံး။   ။

မြစ်ရိုး
3-2-2017

မေမေဆရာမ
။။။။။။။။။။။။။။။။။

ဖိုးလမင်းကြီး၊ ထိန်ထိန်သာ
ညချမ်း အချိန်ခါ၊
မေမေ့ရှေ့မှာ၊ မတ်တပ်ရပ်
လက်ကို ပိုက်လျက်၊

သားကျက်ထားတဲ့၊ စာတွေအံ
ချစ်တဲ့ မေမေ့ထံ၊
စာအံသံကို၊ မေမေကြား
မေမေ ပျော်လို့သွား၊

သားသားလေးလည်း၊ ပျော်ပါတယ်
မေမေနဲ့တူတယ်၊
သားသားကိုကွယ်၊ သွန်သင်ပြ
မေမေ ဆရာမ
မင်္ဂလာပါဗျ။  ။

မြစ်ရိုး
23-4-2017

ဒေါ်အောင်ဆန်းစုကြည်
။။။။။။။။။။။။။။။။။။။။။။။။။။။။။။။

ဇွန်ဆယ့်ကိုးမှာ၊ မွေးဖွားသည်
ဒေါ်အောင်ဆန်းစုကြည်၊
ဖခင်အမည်၊  ဦးအောင်ဆန်း
အာဇာနည်အောင်ဆန်း။

ကမ္ဘာတစ်ဝှမ်း ဂုဏ်ရောင်ပြောင်
မြန်မာ့တို့ခေါင်းဆောင်၊
အကျယ်ချုပ်ထောင်၊ အကျဉ်းကျ
တော်လှန်စစ်ဝါဒ။

ကိုယ်ပိုင်ဘဝ၊ စွန့်လွှတ်ကာ
ကိုယ်ကျိုးစွန့်ခဲ့တာ၊
ငြိမ်းချမ်းရေးမှာ၊ နိုဘယ်လ်ဆု
ကမ္ဘာက ဂုဏ်ပြု။

မြန်မာဆန်မှု၊ သူ့မူဟန်
အလှပန်းကိုပန်၊
သစ္စာအမှန်၊ သူလမ်းပြ
ရိုးသားလိမ္မာကြ။         ။

မြစ်ရိုး
12-6-2016