ညီမလေးမဖတ်ရသေးတဲ့ ကဗျာ(၂)
==================================
ဇာတ်လမ်းရဲ့အစက အအေးဆိုင်လေးထဲ
အအေးဘူးလေးနှစ်လုံးစဖောက်လိုက်တဲ့အချိန်
သိပ်မကြာလိုက်ဘူး
ကြည်နူးခြင်းတွေ အပိုင်းပိုင်းပြတ်ခါ
ဇာတ်လမ်းက ပြီးဆုံးသွားပြီဆိုတော့
တဆတ်ဆတ်တုန်နေတဲ့ နှုတ်ခမ်းတွေက
တိုက်ဆိုင်မှုတွေကြောင့်သတိရတိုင်း
သူနာမည်ကို ရေရွတ်ကြတယ်။
နှလုံးသားက တငွေ့ငွေ့ လောင်ကျွမ်းနေတဲ့ကြားက
အမှတ်မရှိသူ့ကို တမ်းတခဲ့တယ်။
ဆေးလိပ်မီးခိုးတွေကို လည်ချောင်းထဲထိ ရှိုက်သွင်းလိုက်
လေဟာနယ်မှာ မှုတ်ထုတ်လိုက်နဲ့
အတွေးတွေက ဟိုပြေးဒီပြေး
အနီးကပ်ခံစားဖူးတဲ့ သနပ်ခါးရနံ့လေးတွေဆီရောက်သွားတယ်။
တကယ်ဆို အပြစ်ဆိုစရာမရှိအောင်
သူမရဲ့ ပုံစံခွက်ထဲမှာ အသားတကျ နေခဲ့တာပဲ
အခုကျ အနောက်က ကပ်ပါနေတဲ့ ငါ့ခြေထောက်တွေကို
အနှောက်အယှက်တွေတဲ့လား ညီမလေး
အချစ်ကို ကိန်းသေလို သဘောထားမိတဲ့ငါ့မှာ
မင်းပေးခဲ့တဲ့ သစ္စာတရားတွေကို အတုအစစ်မခွဲတတ်ခဲ့လို့
အလွမ်းတွေနှင့် နေထိုင်စားသောက်ရင်း
ညစဉ်မက်တဲ့ ငါ့အိပ်မက်တွေ ဆေးရောင်ပျက်ကုန်ပါပြီ
သွေးမထွက်တဲ့ ဒဏ်ရာဆိုပေမယ့်လည်း
သေရာပါမယ့် ဒဏ်ရာတွေပါ ညီမလေး။
လရောင်ဦး-တမူး
မေလ၊ ကလျာမဂ္ဂဇင်း 2016
No comments:
Post a Comment